بخصوص موضوع الحماية
اول شي رح اعطي مقدمة مفصلة مشان الكل يكون عندو فكرة
مشان اذا بلشنا شروحات تستفادوا
اول شي رح نبدأ ب
- كيف تتم عملية الاختراق ...
رح تسألوني شو يعني سيرفر
هاد السيرفر هو عبارة عن ملف بصيغة exe وظيفتو هاد الملف انو يمنح الهكر الصلاحيات الكاملة لتحكم بجهاز المستهدف
اول مارح يكون هاد السيرفر رح ياخدوا ويشفروا
التشفير: الهكر بيشفر السيرفر مشان ماينكشف من الانتي فايروس لئنو السيرفر هو عبارة عن فايروس واذا ماشفّر السيرفر رح ينكشف من الانتي فايروس وما رح يستفاد شي
هلأ منجي انو كيف رح يتم خداع الضحية ...
الهكر اذا بدو يخترقك بدو يهندسك (هندسة اجتماعية)
الهندسة الاجتماعية : هي انو يجي واحد يحكي معك ويكسب ثقتك لغاية هو بدو ياها
بعض اساليب الهندسة
انو الهكر مثلاً يعمل حساب بنت ويحاكيك منو ويتعرف عليك ووبالاخر (يمكن يضل اكتر من اسبوع لحتا يهندسك) يقلك مثلاً هي صورتي حملا عندك لما رح تحملا وتفتحا عجهازك هون انت رح تصير ضحية عندو ويصير معو كامل الصلاحيات بجهازك
كيف هيك ؟؟؟؟هو رح يدمج السيرفر بالصورة (تلغيم) وانت لما تفتح الصورة بتكون كمان فتحت السيرفر .
كمان من امثلة الهندسة انو مثلاً يجيك واحد ويقلك مثلاً انا مبرمج طورت نسخة قوية من انتي فايروس الافيرا هو لما يعطيك الرابط مارح يعطيك من الموقع الرسمي ولما تحملو وتفتحو رح يصير فيك نفس الفكرة رح يكون مدموج السيرفر بالبرنامج ورح تاكل هو
رح تقلي طيب انا منزل النود وفعلو تفعيل نظامي مو كراك
رح قلك لا تنسى التشفير بالموضوع!!!
ماذا يمكن ان يفعل الهكر عند فتحك للسيرفر
اولاً رح يقدر يفوت عكل ملفاتك وصورك الشخصية وصور العائلة
ثانياً رح يقدر يمسح ويحمل الصور وكل الملفات وهالشي خطير لئنو ممكن يبتزك فيون !
ثالثاً بيقدر يفوت عالكاميرة ويشوفك
رابعاً يراقب الكيبورد تبعك يعني شو عم تكتب وشو كتبت
مثلأ انا بدي قوت عالفيس تبعي اول شي رح اعملو رح اكتب الايميل والباس
الايميل والباس يلي سجلت فيون دخولك رح يتسجل عندو
خامساً فيو يشوفك عشو فايت يعني يشوف سطح المكتب تبعك
سادساً فيو يحطلك فايروسات وبصير بدك فورمات
انا اسف الشرح كان طويل شوي هههههه
بالمختصر انو لاحدا يحمل اي برنامج من موقع غير رسمي او من حدا مبتعرفوا ومابتثق فيه
0 التعليقات:
إرسال تعليق